A CAMPAÑA "ENSÍNANOS UN XOGO" ESTÁ CHEGANDO AO FIN POR ESTE TRIMESTRE

DURANTE A SEMANA PASADA AS FAMILIAS SEGUIRON A COLABORAR COA CAMPAÑA "ENSÍNANOS UN XOGO".
FOI UN EXITAZO.
AGRADECEMOS A TODAS AS FAMILIAS QUE NOS TEÑAN AGASALLADO CUN ANAQUIÑO DO SEU TEMPO E COS SEUS XOGOS, CANTIGAS, XOGUETES, LERIAS,... MOITAS GRAZAS.

ALGUNHAS DAS ACHEGAS FORON:

- AS DO PAI E DA NAI DE MIGUEL (5 anos A) E ÁLEX (3º A) QUE FIXERON AO ALUMNADO PARTÍCIPES DO XOGO CHAMADO O BOTE.

- AS QUE TIVERON LUGAR NAS AULAS DE 2º COA NAI DE SARA (2ºB)

TODOS OS XOGOS, XOGUETES, CANCIÓNS,... APARECERÁN RECOLLIDOS EN FICHAS QUE O ALUMNADO ELABORARÁ NAS AULAS CO GALLO DO TRABALLO AO REDOR DO TEXTO INSTRUTIVO QUE SE ESTÁ A DESENVOLVER.

UN NOVEMBRO CHEO DE EVENTOS

EN CURSOS ANTERIORES TRABALLARAMOS O DEREITO A TER UN NOME, O DEREITO A TER UNHA FAMILIA, O DEREITO A IR Á ESCOLA,... NESTE CURSO CENTRÁMONOS MÁIS NO DEREITO Á SAÚDE. TRABALLAMOS MOITOS ASPECTOS RELACIONADOS E OMO XA VISTES TIVEMOS OBRADOIROS E CHARLAS.
 E ADEMAIS IMOS PARTICIPAR COA FUNDACIÓN MENIÑOS NUN CONCURSO DE RELATOS E DEBUXOS RELACIONADOS CO DEREITO Á SAÚDE, XA VOS POÑEREMOS ALGÚN...

A SEGUNDA DESAS CELEBRACIÓNS NO COLE É A DO DÍA DA PALABRA, 23 DE NOVEMBRO. 
OS LIBROS ESTÁN CHEOS DE PALABRAS: PALABRAS EN DIVERSOS IDIOMAS, PALABRAS GALEGAS, PALABRAS LONGAS, PALABRAS CURTAS, PALABRAS RELACIONADAS COA SAÚDE, PALABRAS FERMOSAS, PALABRAS DE CONTO, PALABRAS DOCES,...
NO CENTRO IMOS FACER POTAS CHEAS DE SOPAS DE PALABRAS, XA VEREDES CANTAS SE NOS OCORREN!
VAI HABER POTAS PARA TODOS OS GUSTOS E NA SÚA ELABORACIÓN OS EQUIPOS COOPERATIVOS TERÁN MOITO QUE DICIR.
ADEMAIS APARECERÁN NAS CLASES UNHAS PRESENTACIÓNS PARA ANIMAR Á LECTURA DE LIBROS INTIMAMENTE LIGADOS Á PALABRA, TANTO QUE NALGÚN ATA SE SEMENTAN PALABRAS E...

E ... FALANDO DE PALABRAS... TAMÉN HAI PALABRAS QUE NON NOS GUSTAN PORQUE O QUE SIGNIFICAN NON É AGRADABLE... POR EXEMPLO... MALTRATO. ASÍ QUE LOITAREMOS CONTRA O MALTRATO SEMPRE E LEMBRAREMOS ISTO O 25 DE NOVEMBRO, DÍA CONTRA O MALTRATO DE XÉNERO. HAI MOITAS PALABRAS QUE SE RELACIONAN CO MALTRATO E MESMO SE PODE MALTRATAR COA PALABRA. REFLEXIONAREMOS SOBRE ISTO CON LECTURAS E UN CONTO "NIN UN BIQUIÑO Á FORZA".
(A NOSA ADAPTACIÓN DO CONTO, PARA MAIORES E PARA PEQUES DE INFANTIL)

O CONTO DE ANTÍO, UN DOS QUE LLE PROMETERAMOS

PRETO DO DÍA DA PALABRA, TEMOS UN AGASALLO PARA ANTÍO: UN CONTO CHEÍÑO DE PALABRAS DE OUTONO, DE PALABRAS LEDAS, DE PALABRAS DE COLABORACIÓN,DE PALABRAS RELACIONADAS COS DEBUXOS QUE ANTÍO NOS DEIXOU...
O CONTO NACEU NA CLASE DE 3 ANOS B E FOI MEDRANDO E CONTINUÁNDOSE EN 4 ANOS B, 5 ANOS B, 1ºB, 2ºB, 3ºB, 4ºB, 5ºB, 5ºC E 6ºB. ESTE É O RESULTADO:

HABÍA UNHA VEZ UN PORQUIÑO QUE ESTABA MOI CONTENTO PORQUE ÍA IR Á ESCOLA... 

UN DÍA O SEU AMIGO O ESQUÍO TROUXO AO COLE UNHA CAIXA E... CANDO A ABRIRON TODOS QUEDARON ABRAIADOS PORQUE HABÍA MOITAS CABAZAS, GRANDES E PEQUENAS, REDONDAS E ALONGADAS. 

- BEEEEN! BEEEEN! - DIXERON O PORQUIÑO E O ESQUÍO-. XA TEMOS CABAZAS PARA O SAMAÍN. 

UN DÍA NO RECREO CELEBRARON A FESTA DO SAMAÍN E ALÍ FOI TAMÉN O XABARÍN. 

AO PRINCIPIO ASUSTOUSE PORQUE TODOS ESTABAN DISFRAZADOS, PERO DESPOIS QUITARON AS CARAUTAS E TODOS RIRON E PASÁRONO MOI BEN. 

NA FESTA O ESQUÍO PREGUNTOULLE AO XABARÍN: 

- POR QUE NON DAMOS UN PASEO E COLLEMOS CASTAÑAS? 

- VALE, PODEMOS COLLER UNHAS POUCAS E FACER UN MAGOSTO- DIXO O XABARÍN- 

E PREGUNTOU AO PORQUIÑO: 

- VÉS CONNOSCO?

 - SIIII- DIXO O PORQUIÑO SAÍRON OS TRES E CHEGARON ONDA AS ÁRBORES QUE HABÍA NO BOSQUE. 

CHAMOULLES A ATENCIÓN UNHA AGUIA REAL QUE VOABA ENTRE O MILLO...

 O ESQUÍO, O XABARÍN E O PORQUIÑO SAUDARON Á AGUIA E PREGUNTÁRONLLE SE QUERÍA IR CON ELES RECOLLER CASTAÑAS. 

NO CLARO DO BOSQUE ONDE SE ATORARON HABÍA MOITOS CAMIÑOS, NON SABÍAN CAL COLLER, DESPOIS DE DEBATER E PENSAR DECIDIRON QUE O XABARÍN SINALASE O CAMIÑO. 

O XABARÍN DECIDIU QUE IRÍAN POLA DEREITA, DESPOIS DE CAMIÑAR UN BO CACHO, SEGUÍAN SEN ATOPAR OS CASTIÑEIROS... ESCOLLERAN O CAMIÑO ERRADO!

PERDÉRANSE NO BOSQUE! PREOCUPADOS PEDÍRONLLE Á AGUIA QUE VOASE ALTO PARA ATOPAR O CAMIÑO ATA OS CASTIÑEIROS E DESPOIS OS GUIASE ATA ALÍ. 

A AGUIA VOOU ALTO, ATOPOU O CAMIÑO E BAIXOU PARA GUIALOS. 

TODOS INICIARON A MARCHA SEGUINDO O VO DA AGUIA. 

DE SÚPETO COMEZOU A CAER UNHA GRAN TREBOADA E O RÍO QUE ESTABA DIANTE DELES COMEZOU A ENCHERSE MÁIS E MÁIS... 

O RÍO SOBORDOU E OS ANIMAIS PEDÍRONLLE AXUD Á AGUIA PARA ATOPAR OUTRA SAÍDA. 

VOOU ALTO E DIVISOU UNHA COVA ESCURA, HÚMIDA E TENEBROSA NO ALTO DUNHA MONTAÑA. LEVOU AOS ANIMAIS, UN A UN, AO REFUXIO, SUXEITÁNDOOS COAS SÚAS FORTES GARRAS. 

XA NA COVA, OS ANIMAIS ATOPARON UNHA CESTA CON MAZÁS, FIGOS, NOCES,... 

CANDO ÍAN COMELAS ESCOITARON UN RUXIDO MOI FORTE E... APARECEU UN OSO! 

O OSO PERSEGUIUNOS MENTRES TODOS BERRABAN ASUSTADOS. DESPOIS DUN INTRE CORRENDO A TODA VELOCIDADE, TODOS CAERON POR UNHA FENDA, MENOS O OSO QUE QUEDOU ATASCADO. 

ATERRARON NUN RÍO, A CORRENTE ARRASTROUNOS ATA A BEIRA ONDE APARECEU UNHA RA.

PREGUNTÁRONLLE:

 - PODERÍAS DICIRNOS ONDE HAI UN SOUTO PRETO DE AQUÍ? 

- EU NON, PERO COÑEZO ALGUÉN QUE SI- CONTESTOU A RA. 

A RA DÍXOLLES: 

- A LEBRE!SÁBESE O MONTE E O BOSQUE COMO A PALMA DA SÚA PATA. TOMADE ESTE MAPA PARA CHEGAR ONDA ELA. 

PUXÉRONSE EN CAMIÑO E SEGUINDO AS INDICACIÓNS DO MAPA, POUCO MÁIS TARDE ESTABAN NA TOBEIRA DA LEBRE. 

E OS TRES AMIGOS PREGUNTÁRONLLE: 

- SABES ONDE ESTÁ O SOUTO MÁIS PRÓXIMO? É QUE QUEREMOS FACER UNHA TOPRTA DE NOCES E CASTAÑAS E UN MAGOSTO.

 - SI, SI QUE SEI, PERO HAI UN PROBLEMA...O SOUTO ESTÁ OCUPADO POR UNHAS MÁQUINAS DE CONSTRUCIÓN. 

A XENTE OPINABA QUE OS CASTIÑEIROS E DEMAIS ÁRBORES DE ALÍ XA NON ERAN DE UTILIDADE. 

OS ANIMAIS ESTABAN INDIGNADOS, O MONTE, O BOSQUE E O SOUTO SON MOI IMPORTANTES E ADEMAIS NESE SOUTO VIVÍAN, POLO QUE SABÍAN, MOITÍSIMAS ESPECIES. 

DECIDIRON SEGUIR ADIANTE E PUXÉRONSE EN MARCHA GUIADOS POLA LEBRE. 

AO CHEGAREN NON HABÍA XEITO DE PASAR PORQUE AS MÁQUI8NAS FACÍAN COMO UN MURO XIGANTE ARREDOR DO SOUTO. 

POR SORTE, LOGRARON PASAR SEN SER VISTOS POR ENTRE AS RODAS. TIÑAN UNHA IDEA XENIAL!

 A AGUIA SUBIU A CADA UN DELES ÁS PÓLAS DAS ÁRBORES. CANDO AS ÍAN TALAR, OS HOMES LEVARON UNHA GRAN SORPRESA... 

HABÍA XARARÍS, PORCOS, ESQUÍOS, AGUIAS E LEBRES ENRIBA DAS PÓLAS.

 DE SÚPETO DECATÁRONSE DE QUE ESTABAN ALÍ PORQUE SEGURAMENTE NON QUERÍAN QUE ESTRAGASEN O BOSQUE. DESPOIS DUNHAS HORAS, DESISTIRON DE FACER OBRAS E OS ANIMAIS PUXÉRONSE MOI LEDOS.

 COMO XA SABÍAN O CAMIÑO DE VOLTA, COLLERON AS CASTAÑAS E TAMÉN NOCES E MARCHARON PARA A ESCOLA. 

AO CHEGAREN CONTÁRONLLE O ACONTECIDO A TODOS OS SEUS AMIGOS.

 SALVARAN O SOUTO! 

FIXERON UN ENORME MAGOSTO PARA CELEBRALO.

XOGOS E CONTOS

Coa colaboración da nai de Julia (5 anos B) e Víctor (5º B), 3º gozou da primeira sesión de ENSÍNANOS UN XOGO.
Xogaron á CHAQUETA, parécese ao xogo do pano, pero un chisco máis difícil, sobre todo, polo de atar as mangas...

En 2º tamén tiveron máis xogos, velaquí a nai de Álvaro ensinando xogos

O CONTO QUE QUERÍA ANTÍO PARA PASAR O INVERNO ESTÁ CASE REMATADO, IMOS AGORA PASALO A LIMPO (PORQUE O TEMOS EN BORRADOR) E XA VOLO ENSINAMOS... EN REALIDADE SON DOUS CONTOS... XA VOS CONTAREMOS.

E DESPOIS DO MAGOSTO....MÁIS XOGOS COAS FAMILIAS!

ESTA SEMANA AS FAMILIAS SEGUEN ENSINÁNDONOS XOGOS E XOGUETES.

AVÓS, AVOAS, PAPÁS E MAMÁS ESTARÁN NO CENTRO CO ALUMNADO DE INFANTIL E COAS NENAS E NENOS DE 3º, 4º E 5º DE PRIMARIA.

APRENDEREMOS MOITO PARA DESPOIS XOGAR NO PATIO.

GRAZAS FAMILIAS!

EN CATRO ANOS...

EN CINCO ANOS...

A MAMÁ DE JULIA ENSINOU O XOGO DO PANO

UN ANO MÁIS CELEBRAMOS O MAGOSTO

HOXE TIVO LUGAR O MAGOSTO NO COLEXIO.

SUPÓN O PUNTO CUMIO DUN TRABALLO LONGO SOBRE O OUTONO, A ARTE NO OUTONO (LITERATURA, MÚSICA, PLÁSTICA,...),  AS CELEBRACIÓNS ESTACIONAIS, OS XOGOS PROPIOS...

UN TRABALLO QUE REMATARÁ COA RECOLLEITA DO SUCEDIDO EN NOVAS, FOTONOVELAS, HISTORIAS,...

OS XOGOS POPULARES E OS TRADICIONAIS TIVERON, COMO VOS ANTICIPABAMOS ONTE, MOITO PROTAGONISMO. PROTAGONISMO QUE XA ESTIVERON TENDO DURANTE TODO O TRIMESTRE E QUE INDA CONTINUARÁN TENDO, GRAZAS Á COLABORACIÓN DAS FAMILIAS NA CAMPAÑA "ENSÍNANOS A XOGAR", DA QUE VOS VIMOS INFORMANDO DENDE HAI DÍAS.

VELAQUÍ UN RESUMO DA FESTA:

AS NENAS E OS NENOS DE 6º AXUDARON COA ORGANIZACIÓN, AS PROFES E OS PROFES NON PARARON DE TRABALLAR NIN UN INTRE, PACO ACHEGOU TAMÉN O TRABALLO XUNTO COA SÚA INESTIMABLE EXPERIENCIA E BO SABER NO TEMA DO ASADO:

ENTRE OS PREPARATIVOS ESTIVO O DA ELABORACIÓN DE CUCURUCHOS, INFANTIL XA OS ELABORARA DÍAS ANTES E EN TRES ANOS CON AXUD A DO ALUMNADO MAIOR. NALGUNHAS CLASES ELABORARON CESTIÑAS

O PROGRAMA DA CELEBRACIÓN TIÑA DE TODO:

ASÁRONSE AS CASTAÑAS.

OS XOGOS APARECERON EN CADA ESPAZO DO CENTRO E ALGÚNS CELEBRÁRONSE AO AIRE LIBRE

COMÉRONSE AS CASTAÑAS.

ADEMAIS A ARTE (LITERARIA E PLÁSTICA) TAMÉN ESTIVERON PRESENTES, VEREDES DIVERSIDADE NELAS E CLARO... O CONTO OU CONTOS PARA ANTÍO... UN CONTO QUE VAI CHEGANDO AO SEGUNDO CICLO... COMO REMATARÁ?

UN MAGOSTO CHEO DE XOGOS

CO GALLO DA CELEBRACIÓN DO MAGOSTO, ADEMAIS DE TRABALLAR SOBRE O QUE ESTE SIGNIFICA, DE APRENDER OS PASOS DA CELEBRACIÓN, DE INVESTIGAR SOBRE O OUTONO, DE LER TEXTOS RELACIONADOS COA FESTA E DE TRABALLAR CON DIFERENTES ASPECTOS ARTÍSTICOS (LITERARIOS, PICTÓRICOS, PLÁSTICOS,...)... APRENDEMOS XOGOS!
XUNTO AOS XOGOS QUE APRENDEMOS COAS FAMILIAS NO COLE, ESTÁN OS QUE PROGRAMARON O EQUIPO DE ACTIVIDADES EXTRAESCOLARES, SON XOGOS QUE NOS EMPRESTARON PARA ESA DATA.
FOI O CONCELLO DO GROVE O QUE NOLOS PROPORCIONOU. AGRADECEMOS A CÁNDIDO QUE FIXESE DE ENLACE PARA CONSEGUIR ESTE MATERIAL.
AH! POR SUPOSTO ESTAMOS ELABORANDO OS CONTOS QUE ANTÍO, O NOSO ESQUÍO MASCOTA, NOS PEDÍU PARA PASAR O INVERNO E QUE XA VOLOS SUBIREMOS AO BLOG.
MAÑÁ HABERÁ LUPANDA DE CASTAÑAS! UMMM! QUE RICAS!

XOGOS DESTA SEMANA

DURANTE ESTA SEMANA OS XOGOS PREVISTOS SON:

- ALUMNADO DE CINCO ANOS: APRENDERÁ A XOGAR O PARCHÍS

-ALUMNADO DE TRES ANOS: APRENDERÁ CANCIÓNS, XOGOS E CONTOS

- ALUMNADO DE CATRO ANOS: XOGOS VARIADOS COAS MAMÁS E PAPÁS

- ALUMNADO DE 1º: XOGOS VARIADOS COS AVÓS

- ALUMNADO DE 4º: UNHA MAMÁ ENSINARÁ XOGOS CON PELOTA

- ALUMANDO DE 5º E 6º: APRENDERÁ A XOGAR AO CHINCO E ÁS PEDRAS O AVÓ DE LAURA ENSINOULLES A XOGAR A "O CHINCO">

>

>

A AVOA DE LAURA XOGABA ÁS PEDRAS>

>