BOAS E CULTURAIS FESTAS

OGALLÁ QUE O VINDEIRO ANO 2015 VEÑA CARGADO COA NOSA CULTURA
AQUÍ VOS DEIXAMOS AS SUXESTIÓNS ELABORADAS POLO DEPARTAMENTO DE ORIENTACIÓN, O EDL E A BIBLIOTECA PARA QUE LEADES MOITO NESTES DÍAS E/OU QUE LLAS PIDADES AO PANDIGUEIRO:

UN ENCONTRO CUN ESCRITOR GALEGO: ABRAHAM CARREIRO

AS NENAS E OS NENOS DE 4º, HOXE TIVERON UNHA INTERESANTÍSIMA SESIÓN CO AUTOR DUN LIBRO EN GALEGO CO QUE TRABALLARON AO LONGO DO TRIMESTRE.


ABRAHAM CARREIRO CONTOULLES MOITAS COUSAS SOBRE AS BANDAS DESEÑADAS, FÍXOLLES DESEÑOS,...
DEDICOU TAMÉN MOITO TEMPO A RESPONDER PREGUNTAS E...
ASINOU UN MONTE DE LIBROS!
FOI UNHA SESIÓN DE MOITA APRENDIZAXE.

E SEGUINDO CO PROGRAMA "UN POEMA PARA CADA MES"...

NAS CLASES ESTE MES APARECEN DOUS POEMAS, UN EN GALEGO E OUTRO EN CASTELÁN. QUE OS GOCEDES!
 

O APALPADOR OU PANDIGUEIRO

ANTES DE QUE APARECESE PAPA NOEL POR GALIZA, XA VIVÍA AQUÍ UN PERSONAXE QUE AGASALLABA ÁS NENAS E AOS NENOS...
ERA O PANDIGUEIRO OU O APALPADOR.
NESTES DÍAS ANDAMOS NO COLEXIO A INVESTIGAR SOBRE ESTE PERSONAXE.
TEMOS UNHA GUÍA DE INVESTIGACIÓN CON ENLACES E RECURSOS.

Copia de o pandigueiro ou apalpador from xianadecide

ADEMAIS TEMOS UN CONTO DE XOÁN G. QUE É MOI BONITO

O apalpador from xianadecide

E CANTIGAS...

IMOS TRABALLAR O NADAL

NESTES DÍAS NO COLEXIO TRABALLAREMOS SOBRE O NADAL...
MOITOS ASPECTOS APARECERÁN NAS AULAS:
- AS TARXETAS DE NADAL
- UN PERSONAXE GALEGO NO NADAL: O PALPADOR OU PANDIGUEIRO
- O NADAL TRADICIONAL
- ...

PARA IR COMEZANDO A INVESTIGAR PODEDES USAR O QUE APARECE AO CLICAR AQUÍ

UNHA CHEA DE PALABRAS INVENTADAS NA BIBLIOTECA

O ALUMNADO ACEPTOU O RETO DE MAFALDA E INVENTOU MOOOOITAS PALABRAS NOVAS PARA CELEBRAR O DÍA DA PALABRA.
NA BIBLIOTECA ESTÁN XA COLOCADAS COS SEUS SIGNIFICADOS EN GALEGO
MIRADE ALGUNHAS DELAS

EN ONDA CERO OUTRA VEZ

ONDA CERO remitíu un programa especial con motivo do Día Universal dos Dereitos da Infancia e utilizaron algúns relatos que deixaron as nenas e os nenos do CEIP Vilaverde.
O enlace é este e comeza mais ou menos no minuto 3.


Ademais podedes escoitar a gravación do "Dálle á lingua" no seguinte enlace.

TAMÉN GALEGO NOS XOGOS

Despois do recreo as nenas e os nenos de 2º fixeron xogos baixo a dirección dunhas monitoras da Coruña. Formaron 3 grupos e foron alternando os xogos. Pasárono ben e repasaron moito vocabulario en galego. Por alí andaba un señor da voz de Galicia facendo fotos... igual hai reportaxe no xornal!

O día 20 de novembro, en 3º e 4º celebramos o  DÍA DOS DEREITOS DAS NENAS E DOS NENOS dunha maneira moi especial:

Unha xincana con probas e xogos populares en versión lingüística cuns obradoiros de Lingua Forza 3 ofertados polo Concello de Pontevedra coa colaboración do EDL.

Tres doutoras do departamento físico e lingüístico da "universidade" Xandobela pasaron polo ximnasio do noso cole para advertir da presenza dun brote de virus moi infeccioso que ataca aos músculos e ao idioma galego, chámase "virus lingüísticus". O alumnado de cuarto de primaria someteuse a una serie de probas de habilidade, de resistencia e de velocidade, tanto físicas como mentais para saber se estaba contaxiado ou non.

Houbo xogos tradicionais, adiviñas, trabalinguas, traballo en equipo...todo o necesario para demostrar a súa fortaleza co uso do idioma como ferramenta necesaria e fundamental.

As imaxes demostran a participación de todo o alumnado que gozou moitísimo desta experiencia:

As doutoras dixeron que estamos un chisco afectados e afectadas por ese virus maligno que ameaza á nosa lingua. E a receita para combatelo é sinxela: "falar máis galego para matar ese virus e salvar a lingua".

POR FIN A FESTA DO MAGOSTO

HOXE, DESPOIS DE MOITO TRABALLAR TIVEMOS A FESTA DO MAGOSTO.
DEIXÁMOSVOS FOTOS DO EVENTO:
PRELIMINARES

OS TRABALLOS QUE FIXEMOS AO LONGO DESTAS SEMANAS

OS XOGOS DO MAGOSTO MENTRES SE ASAN AS CASTAÑAS

E COMEMOS CASTAÑAS ATA FARTAR!

O ALUMNADO EN ONDA CERO

QUEREMOS LEMBRARVOS QUE DENDE O DÍA 3 DE NOVEMBRO ATA O 14 O ALUMNADO DO NOSO CENTRO APARECERÁ NO PROGRAMA "DÁLLE Á LINGUA"
PODEREDES ESCOITARNOS EN ONDA CERO AO REDOR DAS 11:55h. XA VOS CONTARAMOS O DA GRAVACIÓN NO COLE NUNHA ENTRADA ANTERIOR

CO GALEGO NAS ONDAS

ESTIVO VISITÁNDONOS A RADIO.

GRAVAMOS CANCIÓNS, INFORMACIÓNS SOBRE OS PROXECTOS QUE XA LEVAMOS MOI ADIANTADOS, POEMAS,...
MIRADE AS FOTOS, PARECEMOS PROFESIONAIS

REMATA UN MES CON INTRODUCIÓN DE FESTAS TÍPICAS GALEGAS

LAMPI LEVOU ÁS CLASES UN POEMA PARA CELEBRAR CO ALUMNADO O FIN DO MES.
É UN POEMA DE ANTONIO RUBIO TITULADO: "OUTUBRO" E QUE PERTENCE AO LIBRO
"ALMANAQUE MUSICAL"
O POEMA DI ASÍ:

En outubro, o vento

compón alalás

e orquestras aéreas

marcan o compás.

Cabalgan os músicos

aves musicais

ao trote de danzas

roldas e espirais.

O vento mareiro

interpreta un valse:

as follas de outono

despídense e vanse.

SON TEMPOS DE MAGOSTO

HOXE CHEGOU ANTÍO AO COLEXIO.
VÉN INDICARNOS QUE XA CHEGA O MAGOSTO. COMA SEMPRE VÉN PROPORNOS TAREFAS PARA CELEBRALO.
ADEMAIS DEIXARÁ UNHA CARTA NAS CLASES... QUE LLE PASARÍA ESTE ANO?


ESTÁ, MOI PREOCUPADO PORQUE ESTE ANO DONA CASTAÑA MARCHOU DO SOUTO, POLO QUE ANTÍO, AO QUE LLE GUSTAN AS CASTAÑAS MOOOOOOOIIIIIITO, NON PODERÁ ASALA. COMO SOLUCIONARÁ O PROBLEMA?
SE CLICAS AQUÍ ATOPARÁS INFORMACIÓN SOBRE FESTAS DE MAGOSTOS EN GALICIA.

TAMÉN PODES VER:
-UN CONTO SOBRE A CASTAÑA QUE REBENTOU DE RISA
-UN XOGO DO MAGOSTO
-O CASTIÑEIRO E A CASTAÑA
-A CELEBRACIÓN DO MAGOSTO
-COUSAS DO MAGOSTO
-DOCUMENTO PARA PROFUNDAR MÁIS SOBRE ESTA FESTA
-TEXTOS VARIOS:POEMAS, DITOS, ADIVIÑAS E REFRÁNS DO OUTONO E MAGOSTO.
E MOITO MÁIS NESTE BLOG.

ADEMAIS PRETIÑO ANDA O SAMAÍN. PARA IR COÑECENDO COUSIÑAS DESTA CELEBRACIÓN CLICADE AQUÍ.
OU AQUÍ
E PARA XOGAR AQUÍ TENDES UN ENLACE.

UN TEXTO CON MOITAS POSIBILIDADES NA FICCIÓN: O CÓMIC

VARIAS AULAS ESTÁN A TRABALLAR SOBRE O CÓMIC.

SE QUEREDES PODEDES AXUDARVOS DESTE RECURSO DO CEIP DE  CHANS

E TAMÉN PODEDES LER ESTE CÓMIC E ANALIZALO

MOITA CIENCIA E MOITA FICCIÓN PARA ESTE ANO

OLA!
DENDE O EQUIPO DE DINAMIZACIÓN DÁMOSVOS A BENVIDA A ESTE NOVO CURSO.

- NESTE CURSO A CIENCIA-FICCIÓN VAINOS TER TRABALLANDO UNHA LONGA TEMPADA.
POR EXEMPLO... COÑECEDES A Pichüt, CIENTÍFICO hirfló, DO PLANETA Aridôndia... NON?
E A TORIBIO? UN NENO QUE ARGALLA INVENTOS XENIAIS? TAMPOUCO O COÑECEDES?...POIS NON SABEDES O QUE PERDEDES!.

- E AS NOSAS FESTAS CÍCLICAS... LEMBRADES? VÉN AÍ O MAGOSTO CON ALGO MÁIS QUE CASTAÑAS...

- E CLARO... NON PODERÁ FALTAR A INVESTIGACIÓN AO REDOR DE FILGUEIRA VALVERDE, A QUEN SE LLE DEDICA NO 2015 O DÍA DAS LETRAS GALEGAS.

A NOSA REVISTA DO CERTAME DE POESÍA

COA NOSA REVISTA DO CERTAME DE POESÍA REMATAMOS O CURSO
DEICA SETEMBRO!

POEMAS COMPARTIDOS ENTRE CLASES

O VENRES 6 DE XUÑO, 1º A E 1ºB RECITÁRONSE OS SEUS POEMAS.
 1º A CO POEMA O lapis
E  1ºB CON Rata linda de Compostela

PODEDES VER AQUÍ ALGUNHAS DAS FOTOS DO EVENTO

UNHA EXPSOICIÓN SOBRE ACHEGAS DAS MULLERES AO LONGO DA HISTORIA CON MULLERES GALEGAS IMPORTANTES

AS INVESTIGACIÓNS SOBRE AS ACHEGAS DALGUNHAS MULLERES NA HISTORIA REALIZADA POR TODAS AS AULAS DO COLEXIO REMATARON.
O ALUMNADO ELABOROU CARTEIS RESUMÍNDOAS E PÚXOSE UNHA EXPOSICIÓN.
NELA PODEN ATOPARSE PINTORAS, ESCRITORAS, CIENTÍFICAS, NAVEGANTES,... E ENTRE ELAS MOITAS SON GALEGAS!
 A EXPOSICIÓN PODE VISITARSE E HAI UN FOLLETO PARA RECOLLER DATOS
VELAQUEÍ UN GRUPO TRABALLANDO SOBOR DELA

CELEBRACIÓN DAS LETRAS GALEGAS NO COLEXIO

DESPOIS DE MOITOS DÍAS TRABALLANDO SOBRE O AUTOR: A SÚA BIOGRAFÍA, OS SEUS POEMAS, AS MATEMÁTICAS E A SÚA VIDA,....
DESPOIS DE TER INVESTIGADO E DE GRAVAR UN VÍDEO CO RESULTADO DA INVESTIGACIÓN...
DESPOIS DE TER CREADO POEMAS PARA O CERTAME DE POESÍA DO CENTRO...
DESPOIS DE TER TRABALLADO SOBRE CANTIGAS
E DE LER OS POEMAS NOS CICLOS

POR FIN!
TEMOS A CELEBRACIÓN DO DÍA DAS LETRAS GALEGAS NO COLEXIO:
- ASISTIREMOS Á ACTUACIÓN DE MAXÍN BLANCO: A NENA E O GRILO NUN BARQUIÑO
>
ESTES VÍDEOS SON A MOSTRA DO MOITO QUE NOS CURRAMOS AS CANCIÓNS... MIRADE QUE BEN AS INTERPRETAMOS GUIADAS E GUIADOS POLA PROFE LOLA.




<
IMAXINO QUE VOS FIXASTES NO DECORADO DO PALCO... FOI OBRA DE 5º... A QUE ESTÁ XENIAL?
- O LUNS LEREMOS AS POESÍAS GAÑADORAS PARA TODO O CENTRO E DARANSE OS AGASALLOS



MIRADE QUE BEN O FAN! SÓ UN EXEMPLO NUNS VÍDEOS DAS NENAS E DOS NENOS DE INFANTIL DE 4 ANOS



E UNHA FOTOS DAS LECTURAS DE EI E EP.

EXPOSICIÓN DE LIBROS E RECENSIÓNS

XA SE ESTÁ COLOCANDO A EXPOSICIÓN DE "LIBROS E AS SÚAS RECENSIÓNS".

AS RECENSIÓNS FORON ELABORADAS NAS AULAS DURANTE A SEMANA DO LIBRO.
FORON FEITAS SOBRE LIBROS QUE LLES REMITÍU LAMPI E QUE, DESPOIS DE LER,AS NENAS E OS NENOS CREN QUE SON TAN INTERSANTES COMO PARA SUXERIRVOS A SÚA LECTURA.

O NOSO VÍDEO SOBRE XOSÉ MARÍA DÍAZ CASTRO

SABEDES ALGO SOBRE XOSÉ MARÍA DÍAZ CASTRO?
SIIIIIII!
ESTES DÍAS ESTIVEMOS GRAVANDO O VÍDEO COAS NOSAS INVESTIGACIÓNS SOBRE XOSÉ MARÍA DÍAZ CASTRO.

VELAQUÍ O RESULTADO

COMEZARON OS RECITADOS EN LINGUA GALEGA: CAMPAÑA "RECITANDO POEMAS"

DENTRO DA CAMPAÑA "RECITANDO POEMAS PARA OUTRAS CLASES", ONTE (12 DE MAIO) INFANTIL TIVO UNHA SESIÓN DE RECITADO NO PATIO.
PRIMARIA XA COMEZOU A TRABALLAR SOBRE OS POEMAS E REALIZARÁ OS RECITADOS INTERAULAS A PARTIR DO 19 DE MAIO
INFANTIL DE CATRO ANOS RECITOU:
"OSO MIMOSO" DE BERNARDINO GRAÑA E "VENTOS" DE ANTONIO GARCÍA TEIJEIRO.

OS RECITADOS DE 3 ANOS E 5 ANOS FORON: "O LAGARTO" E "O ELEFANTE"DE GLORIA SÁNCHEZ, "O VENTO DE ANTÓN" DE ANTONIO GARCÍA TEIJEIRO, "A BELA DURMINTE" DE DORA VÁZQUEZ
MIRADE AS FOTOS DOS E DAS MAIORES DE 5 ANOS!!

MÁIS TRABALLO SOBRE DÍAZ CASTRO

A QUE NON SABIADES QUE DUNHA BIOGRAFÍA SE PODÍAN TIRAR MATEMÁTICAS?

POIS SI...
AQUÍ TENDES EXEMPLOS SOBRE OS QUE ESTAMOS A TRABALLAR.

INFANTIL

Mates con xosé maría díaz castro para Infantil from zuceac

1º CICLO

Mates con xosé maría díaz castro infantil 5 anos e 1º ciclo from zuceac

2º E 3º CICLOS

Mates con xosé maría díaz castro 2º e 3º ciclos from zuceac

LETRAS GALEGAS 2014: MÁIS POESÍA PARA UN POETA

NESTES DÍAS UNHA NOVA TEMÁTICA SERÁ TRABALLADA POLO ALUMNADO DE TODO O CENTRO:
TRABALLAMOS AO REDOR DE XOSÉ MARÍA DÍAZ CASTRO, O ESCRITOR HOMENAXEADO O 17 DE MAIO.

PARA COMEZAR A TRABALLAR PODEMOS CLICAR AQUÍ, AQUÍ. AQUÍ , AQUÍ OU AQUÍ.
E DESPOIS DE ESTAR TRABALLANDO TODO O CURSO AO REDOR DA POESÍA... PREPARAMOS O NOSO CERTAME DE POESÍA, XA O NÚMERO XXII ANIMÁDEVOS!
PARA AXUDARVOS A ELABORAR POEMAS AÍ VAN SUXESTIÓNS A PARTIR DE POEMAS COÑECIDOS:

Como facer poesía con poemas coñecidos from xianadecide

CON TODA A INVESTIGACIÓN QUE FAGAMOS SOBRE ESTE POETA IMOS ELABORAR UN AUDIOVISUAL CONXUNTO... CADA CLASE RECIBIRÁ UNHA PREGUNTA SOBRE A BIOGRAFÍA DE XOSÉ Mª DÍAZ CASTRO. BUSCARÁ A RESPOSTA E BUSCARÁN O XEITO DE COMUNICALA. GRAVARASE NUN VÍDEO E... QUE TAL SE DESPOIS TRABALLAMOS A BIOGRAFÍA CO VÍDEO?
VELAQUÍ AS PREGUNTAS DE CADA CLASE

Gravando un video sobre díaz castro from xianadecide

TAMÉN TRABALLAREMOS POEMAS DO AUTOR. PODEREMOS AXUDARNOS DESTA PROPOSTA:

Traballando poemas de xosé maría díaz castro from xianadecide

FELIZ DÍA DO LIBRO

AS CLASES RECIBEN UN AGASALLO FERMOSO PARA CELEBRAR ESTE DÍA A TRAVÉS DOS SEUS BLOGS DE NIVEL.
UN LIBRO EN GALEGO FERMOSO, UN LIBRO SOBRE PALABRAS DIVERSAS, UN LIBRO PARA GOZAR INDIVIDUALMENTE, EN GRUPO, EN FAMILIA, ...

LECTURA DE LIBROS GALEGOS E VISITA DAS AUTORÍAS

NESTES DÍAS AS NENAS E OS NENOS DE VARIOS CURSOS ESTIVERON RECIBINDO ÁS AUTORAS E AOS AUTORES DOS LIBROS SOBRE OS QUE TRABALLARON AO LONGO DO TRIMESTRE.
AQUÍ VOS DEIXAMOS UN EXEMPLO:
- RAFAEL LASO EN 4º PARA COMENTAR CO ALUMNADO O LIBRO "UNHA VIDA DE RÁ"

RECITANDO POESÍA GALEGA

O EDL DO COLEXIO PROPUXO UNHA ACTIVIDADE DE RECITADO PARA TODO O COLEXIO.
VILAVERDIÑO QUIXO CONTRIBUÍR, MANDOU UNHA CARTA ÁS NENAS E AOS NENOS INDICÁNDOLLES O SEU AMOR Á POESÍA E O MOITO QUE LLES AGRADECERÍA QUE LLE RECITASEN ALGO DE GLORIA SÁNCHEZ, GARCÍA TEIJEIRO, ROSALÍA, CURROS ENRÍQUEZ, BERNARDINO GRAÑA, MANUEL MARÍA, ANISIA MIRANDA, ANA Mª FERNÁNDEZ,...

E CLARO, O ALUMNADO NON SABE DICIRLLE QUE NON Á  MASCOTA PRINCIPAL DO COLEXIO.
NESTES DÍAS A ACTIVIDADE AO REDOR DA POESÍA É XA FRENÉTICA E TERÁ CONTINUIDADE ATA MAIO COA CELEBRACIÓN DAS LETRAS GALEGAS (PERO ISTO XA VOLO CONTAREMOS MÁIS ADIANTE).
PARA QUE VAIADES PREPARÁNDOVOS AÍ VOS DEIXAMOS UNHA POESÍA:

A fala. Manuel María

O idioma é a chave
coa que abrimos o mundo:
o salouco máis feble,
o pesar máis profundo.

O idioma é a vida,
o coitelo da dor,
o murmurio do vento,
a palabra de amor.

O idioma é o tempo,
é a voz dos avós
e ese breve ronsel
que deixaremos nós.

O idioma é un herdo,
patrimonio do pobo,
maxicamente vello,
eternamente novo.

O idioma é a patria,
a esencia máis nosa,
a creación común
meirande e poderosa.

INVESTIGACIÓNS PARA EXPOSICIÓN E DENTRO DOS PROXECTOS

A LINGUA GALEGA SEGUE SENDO O VEHÍCULO DURANTE ESTE MES:
- O ALUMNADO INVESTIGA SOBRE AS MULLERES NA HISTORIA E BUSCAN INFORMACIÓN SOBRE AS ACHEGAS DE ASTRÓNOMAS, ASTRONAUTAS, NAVEGANTES, CIENTÍFICAS, MATEMÁTICAS, LITERATAS, POLÍTICAS,...

- NAS AULAS OS PROXECTOS CONTINÚAN: O CORPO, OS ECOSISTEMAS, AS PLANTAS, O UNIVERSO,...
NOS DIFERENTES BLOG PODEDES VER COMO VAI EVOLUÍNDO TODO.

CELEBRACIÓN DO ENTROIDO 2014

OS PREPARATIVOS INICIAIS DA FESTA

OS DISFRACES RELACIONADOS CON COCIÑAR POÑÉMOLOS POUCO ANTES DE SAÍR AO PATIO



NO PATIO ESTAMOS NO NOSO LUGAR

O EVENTO É PRESENTADO POLO ALUMNADO DE 6º.

E DESFILAMOS
/>
LEMOS XUÍZO E TESTAMENTO

VÉNDENSE AS LAMBETADAS

FAISE SORTEO DE PRODUTOS DO ENTROIDO

QUEIMAMOS A VILAVERDIÑO

ATA O VINDEIRO ENTROIDO!

OS TEXTOS DO ENTROIDO XA ESTÁN REMATADOS

XA TEMOS ELABORADAS AS COPLAS DO XUÍZO E DO TESTAMENTO DO GALO.
ELABORADAS ESTÁN TAMÉN AS LADAÍÑAS...
LOLA E O ALUMNADO VAN REVISAR OS CANTOS E GRAVALAS...
ESTAS SON AS COPLAS DO XUÍZO E TESTAMENTO, ASÍ COMO A LETRA DAS LADAÍÑAS DESTE ANO:

Xuizo, testamento2014 from zuceac

OS DISFRACES XA TOMAN FORMA... FALTA UN CHISQUIÑO PERO VAN ESTAR A TEMPO!

ASÍ QUE CANDO VILAVERDDIÑO TEÑA TODAS AS PLUMAS XA PODEREMOS CELEBRAR O ENTROIDO!

O NOSO CONTO, XA COCIÑADO, VIAXA AO SALÓN DO LIBRO

AÍ VAI UNHA PRIMICIA

UN DÍA ESPECIAL: CONMEMORACIÓN DO NACEMENTO DE ROSALÍA DE CASTRO

O LUNS, 24, TEMOS UNHA DATA PARA CELEBRAR.
AS MASCOTAS VAN REMITIRNOS UNHA CARTA ESE DÍA PARA LEMBRAR A DATA E ADEMAIS MANDAN UN POEMA DA ILUSTRE ESCRITORA E UNHAS NOVAS DE ACTUALIDADE.

Mascotilandia rosalí from xianadecide

CELEBRADE CONNOSCO ESTA DATA LENDO CONNOSCO ALGO DA SÚA OBRA.

OU ESCOITANDO ALGÚN DOS SEUS POEMAS MUSICADOS

TRABALLANDO SOBRE O ENTROIDO

UN CURSO MÁIS TRABALLAMOS SOBRE O ENTROIDO NO CENTRO.
COMO XA VOS DIXEMOS ESTAMOS A ELABORAR O NOSO PERSONAXE DE ENTROIDO: O GALO VILAVERDIÑO.
ADEMAIS NAS CLASES ANDAN A PREPARAR AS COPLAS DO XUÍZO E DO TESTAMENTO.
TAMÉN SE CONFECCIONAN AS LADAÍÑAS E PÓÑENSELLE A MUSIQUIÑA.
OS DISFRACES INDAN ANDAN A MEDIO ELABORAR... MAIS SEGURO QUE ESTARÁN REMATADOS PARA A FESTA.

USAMOS ESTA PRESENTACIÓN PARA TRABALLAR ASPECTOS DO ENTROIDO, PARTINDO DAS IDEAS PREVIAS E USANDO ESQUEMAS COMO DIAGRAMAS DE FLUXO E MAPAS MENTAIS.

Presentación entroido from xianadecide

UN ENTROIDO CHEO DE COMIDAS!

ESTE CURSO AS LUPANDAS E PANTAGRUÉLICAS COMIDAS ENCHERON O COLEXIO DENDE COMEZOS DE CURSO: COCIÑAMOS CONTOS, FALAMOS DE ALIMENTOS, FIXEMOS ENSALADAS DE HISTORIAS, PREPARAMOS MACEDONIAS E ELABORAMOS RECEITAS,...
 ASÍ QUE OS DISFRACES VAN ESTAR MOI RELACIONADOS...


DE QUE PENSADES QUE IMOS DISFRAZARNOS?

AS MASCOTAS DAS AULAS XA NOS ESCRIBIRON PARA LEMBRARNOS QUE CHEGA O ENTROIDO E TAMÉN RECIBIMOS DE LORETO UNHA NOVA PÁXINA... SABEDES QUE LEVA NO SEU PETO? LEVA FILLOAS E DISFRACES DE FROITAS. ACABAN DE DARNOS O ÚLTIMO EMPURRÓN PARA POÑERNOS CON ESTA FESTA CÍCLICA ANUAL NO COLEXIO

ELABORAR A VILAVERDIÑO, COLOCARLLE AS PLUMAS, FACER AS COPLAS PARA XUÍZO E TESTAMENTO DO GALO E PREPARAR AS LADAÍÑAS QUE SE LLE CANTARÁN SERÁN LABOR DE TODO O CENTRO, CANTA ACTIVIDADE!

COCIÑANDO CONTOS

ESTE CURSO O TEMA DO XV SALÓN DO LIBRO DE PONTEVEDRA É "COCIÑANDO CONTOS" ASÍ QUE O NOSO CENTRO VAI SER DURANTE ESTAS SEMANAS UNHA GRAN COCIÑA ONDE AS E OS NOSOS CHEFS VAN ELABORAR UNHAS ENSALADAS EXQUISITAS CUNS INGREDIENTES QUE ELES E ELAS  COÑECEN MOI BEN, ASI PODERÁN USAR UN LOBO, PRINCESAS, TRES PORQUIÑOS, BRUXAS..
VEREMOS QUE SAE, XA VOS IREMOS CONTANDO.

30 DE XANEIRO DÍA DA PAZ

O XOVES DÍA 30 CELEBRAMOS O DÍA DA PAZ, ESTE ANO O TEMA FOI O ACOSO ESCOLAR. CON ANTERIORIDADE TRABALLÁMOLO NAS AULAS COA AXUDA DUNHA PRESENTACIÓN PROPOSTA POLO DEPARTAMENTO DE ORIENTACIÓN,DESPOIS DISTO POR NIVEIS OU POR CLASE DESEÑAMOS PANCARTAS E CARTEIS CUNHA MENSAXE DE REXEITAMENTO DO ACOSO E ONDE AS MANS TIÑAN MOITO PROTAGONISMO.
XA ESE DÍA SAÍMOS AO PATIO E PRESENTAMOS ÁS COMPAÑEIRAS E AOS COMPAÑEIROS OS NOSOS CARTEIS, CANTAMOS UNHA CANTIGA E DESPOIS PEGÁMOLOS NAS PAREDES DO CENTRO.O NOSO DESEXO É QUE NINGUNHA NENA E NINGÚN NENO SUFRA DE ACOSO ESCOLAR.
TAMÉN ESE DÍA AS FAMILIAS RECIBIRON DE PARTE DO DEPARTAMENTO DE ORIENTACIÓN UNHAS SUXESTIÓN PARA TRATAR O TEMA.
VELAQUÍ ALGUNHAS FOTOS

DOUS CONTOS PARA ANTÍO

OS DOUS CONTOS QUE ELABORARON AS NENAS E NENOS PARA ANTÍO XA ESTÁN REMATADOS.AGORA SÓ FALTA ENCADERNALOS E MANDARLLOS PARA QUE OS LEA, DESEXAMOS QUE LLE GUSTEN.O CONTO QUE ELABORARON AS NENAS E NENOS DOS GRUPOS A E 2º C TITÚLASE "AVENTURAS DUN CABALIÑO ROSA"

O CONTO ELABORADO POLAS NENAS E NENOS DOS GRUPOS B E 5º C TITÚLASE "O PORQUIÑO E OS SEUS AMIGOS VAN DE FESTA"