SUXERIMOS LECTURAS PARA ESTAS FESTAS

QUE MELLOR MANEIRA DE PASAR AS FESTAS QUE TER AVENTURAS E HISTORIAS PARA LER?

NO COLEXIO PREPARAMOS, COMO TODOS OS ANOS, ALGUNHAS SUXESTIÓNS...

SUXESTIÓNS LECTURA NADAL 2017 de xianadecide

CHOCOLATADA E VISITA DO APALPADOR

O APALPADOR VISITA AS AULAS ACOMPAÑADO DO CORO DO COLEXIO.

CHEGA O APALPADOR

CHEGA O APALPADOR CON MOITAS ACTIVIDADES:
- PARA ESCRIBIR
- PARA LER
- PARA CONTAR
- PARA NUMERAR
- PARA CREAR
- PARA IMAXINAR
...

CONTAMOS COS DEREITOS

PARTICIPAMOS DENDE O EDL NA ACTIVIDADE DE CONTACONTOS NA BIBLIOTECA
SOBRE OS DEREITOS.
NAS AULAS USAMOS UNHA PRESENTACIÓN PARA INICIAR O TRABALLO AO REDOR DESTE NÚCLEO TEMÁTICO...

DEREITOS E... DEBERES de xianadecide

O DÍA DA PALABRA... EN GALEGO

COINCIDINDO CO DÍA DA PALABRA, MOTIVAMOS NAS AULAS PARA QUE A ACTIVIDADE RECOLLA PALABRAS EN GALEGO.
MOI PRONTO AS TEREMOS PENDURADAS NO TENDAL DA BIBLIOTECA.

E POR FIN... MAGOSTO

HOXE, DÍA DE SAN MARTIÑO, CELEBRAMOS O MAGOSTO.
MENTRES 6º E PACO ASAN AS CASTAÑAS

O ALUMNADO ESTÁ NAS AULAS ULTIMANDO OS TRABALLOS SOBRE O MAGOSTO

OBSERVAMOS OS PREPARATIVOS

REALIZAMOS XOGOS NO PATIO O ALUMNADO DE INFANTIL: "CASTAÑA POR DETRÁS" E "CASTAÑA PETRIFICADA"

PREPARÁMONOS PARA RECIBIR AS CASTAÑAS

COMEMOS!!!

XOGAMOS A CASTAÑA BOOOM

XOGAMOS Á CASTAÑA PETRIFICADA

RECOLLEMOS

Magosto CEIP Vilaverde-Mourente 2016 from Alba Blanco on Vimeo.

MISTERIOSAS PEGADAS POLOS CORREDORES

ESTA SEMANA APARECERON NOS CORREDORES ESTAS PEGADAS

SEGURO QUE ANTÍO ESTIVO ULINDO AS CASTAÑAS QUE TEMOS PREPARADAS PARA O MAGOSTO PORQUE AS PEGADAS VEÑEN DA BIBLIOTECA OU VAN ACARA A ELA...

.

DESPOIS DE LER SOBRE O MAGOSTO E DE TRABALLAR SOBRE A FESTA, POR FIN FAREMOS A FESTA ESTA SEMANA.
ANTÍO ESTARÁ DESEXANDO METERLLE O DENTE ÁS CASTAÑAS.
SEGUINDO AS PEGADAS ATOPAMOS LIBROS SOBRE ESTA EPOCA DO ANO, LAMPI CONVIDOUNOS A LELOS TODOS:

XA ESTÁ ANTÍO NO SOUTO DA BIBLIOTECA

ESTÁ CHEGANDO O MAGOSTO.
ANTÍO XA ESTÁ NO COLEXIO.
ESTE ANO TEN UN SOUTO ESPECIAL PARA AGARDAR AO DÍA EN QUE ASEMOS AS CASTAÑAS.
MIRÁDEO

COLABORANDO COA BIBLIOTECA

NESTES DÍAS, AO REDOR DO OUTONO E DOS BOSQUES, O EDL COLABORA COA BIBLIOTECA NA AMBIENTACIÓN DA MESMA.
TAMÉN COLABORA NAS SESIÓNS DE CONTACONTOS

PRONTO CHEGARÁ ANTÍO, ESTE ANO INSTALARASE NA BIBLIOTECA... QUE MELLOR QUE UN SOUTO PARA QUE VIVA UN ESQUÍO AO QUE LLE GUSTAN TANTO AS CASTAÑAS COMA EL!

VILAVERDE,  28  DE  OUTUBRO   DE  2016

OLA  NENAS E NENOS!

QUE ALEGRÍA TEÑO ESTE ANO, TEÑO UN SOUTO NA BIBLIOTECA!

SE NON ME VEDES NA ENTRADA E QUE ESTOU DENTRO DA BIBLIOTECA.

QUE SORTE! ASÍ PODO LER, INSTALARME COMODAMENTE NAS ÁRBORES E ADEMAIS AGARDAR A QUE ASEDES AS CASTAÑAS NO MAGOSTO!

POR SE NON LEMBRADES COMO SE FAI UN MAGOSTO DÉIXOVOS UN CONTO DOS BOLECHAS QUE O EXPLICA.

VINDE VISITARME Á BIBLIOTECA!!!

MOITOS BICOS CASTAÑEIROS

ANTÍO

TRABALLAMOS SOBRE O OUTONO

NAS CLASES TRABALLAMOS SOBRE O OUTONO.
APARECEN TEXTOS SOBRE O CASTIÑEIRO, O MAGOSTO, OS ANIMAIS, OS FROITOS,...
ELABORAMOS DICIONARIOS SOBRE O MAGOSTO, HISTORIAS, REESCRIBIMOS PARTINDO DAS ILUSTRACIÓNS,...
LAMPI, NA BIBLIOTECA PREPARA EVENTOS ESPECIAS: CONTACONTOS, EXPOSICIÓNS DE LIBROS,...
CO OUTONO CHEGA UNHA FESTA QUE NOS GUSTA MOITO, O MAGOSTO E NESTAS SEMANAS IMOS PREPARALA.

HAI PREOCUPACIÓN POR ANTÍO

ESCOITAMOS DICIR QUE ANTÍO SAÍRA DO SOUTO.

NORMALMENTE CANDO SAE DO SOUTO É PARA VIR AO COLEXIO PORQUE SE ACHEGA O MAGOSTO, PERO POR AQUÍ NON VEU.
O ÚNICO QUE SABEMOS DEL TEN QUE VER CON ESTAS FOTOS SÚAS QUE RECIBIMOS NESTES DÍAS...
ONDE ESTARÁ?
O QUE ESTÁ CLARO É QUE ESTÁ DESCANSADIÑO NUN SOFÁ.

UN NOVO CURSO CHEO DE GALEGO

COMEZAMOS UN NOVO CURSO CON MOITAS ACTIVIDADES:
- CELEBRACIÓNS EN PONTEVEDRA
- HOMENAXE A CASARES
- MAGOSTO
- ENTROIDO
- INVESTIGACIÓNS SOBRE O CONTORNO: HÓRREOS, ÁRBORES, ANIMAIS,..
- CONCURSOS DE ESCRITA
-PROXECTOS VARIADOS NOS QUE EMPREGAR O NOSO IDIOMA
- ..,
BENVIDAS E BENVIDOS A UN NOVO CURSO ESCOLAR

PINGAS CON MENSAXE PARA SENSIBILIZAR NO COIDADO AO MEDIO AMBIENTE

POLOS CORREDORES DO COLEXIO APARECERON VARIAS PINGAS E INDA APARECERÁN MÁIS.
VIMOS TRABALLANDO SOBRE O COIDADO DO MEDIO DENDE HAI VARIOS DÍAS. CADA CLASE DESEÑOU VARIAS PINGAS CON SUXESTIÓNS PARA COIDAR DO MEDIO.

ILUSTRANDO POEMAS DE MANUEL MARÍA

CADA CLASE DO CENTRO ILUSTRA UN POEMA DE MANUEL MARÍA DESPOIS DE TER TRABALLADO SOBRE O AUTOR E A SÚA OBRA. OS RESULTADOS COMEZAN A APARECER POLOS CORREDORES DO CENTRO.

LECTURA DE POESÍAS DO CERTAME NO PATIO... E CONTADA DE CHISTES

HOXE TIVERON LUGAR AS LECTURAS DOS POEMAS PREMIADOS NO CERTAME DE POESÍA. PREVIAMENTE LEMOS PARA AS COMPAÑEIRAS E OS COMPAÑEIROS DE NIVEL


E DESPOIS SAÍMOS AO PATIO PARA LERLLOS A TODO O CENTRO...
PRIMEIRO LEU O ALUMNADO DE EI E RECIBIU OS DIPLOMAS E AGASALLOS.
AO FINAL O CORO DO COLEXIO CANTOU UN POEMA DE MANUEL MARÍA.


DESPOIS LEU O ALUMNADO DE PRIMARIA RECIBINDO OS DIPLOMAS E AGASALLOS.


O RECITADO DAS POESÍAS GAÑADORAS FOI SEGUIDO DO "ESPAZO DE CONTADA DE CHISTES". TAMÉN HOUBO PREMIOS E AGASALLOS PARA OS MELLORES CHISTES.
O CORO DO COLEXIO CANTANDO A CANTIGA "DORNA" DE MANUEL MARÍA DEU O REMATE ÁS LETRAS GALEGAS 2016.

RECITANDO A MANUEL MARÍA NAS DIVERSAS CLASES

AS NENAS E OS NENOS DO COLE RECITAN A MANUEL MARÍA.
VELAQUÍ OS GRUPOS DE 2º

UN CONCERTO NA NOSA LINGUA

NAS SEMANAS DE MAIO ESTIVEMOS TRABALLANDO MOITO: LECTURA E CANTO DE POEMAS, BIOGRAFÍA DE MANUUEL MARÍA, ILUSTRACIÓN DE TEXTOS DO AUTOR...
CREACIÓN DE POEMAS PROPIOS PARA O CERTAME...
E HOXE...
UN CONCERTAZO EN GALEGO PARA FESTEXAR AS LETRAS GALEGAS!!

CANTAMOS POEMAS DE MANUEL MARÍA

OS POEMAS DE MANUEL MARÍA PERCORREN TODO O CENTRO.
HAINOS NO PATIO, NAS CLASES, NOS BLOGS...
AQUÍ VOS DEIXAMOS UN CANTADO


E OUTROS MÁIS

MANUEL MARÍA INUNDA AS ACTIVIDADES DO CENTRO

MANUEL MARÍA É O PERSONAXE HOMENAXEADO NAS LETRAS GALEGAS 2016.
O CENTRO ESTÁ XA TOTALMENTE VOLCADO NA SÚA VIDA E OBRA.
TAMÉN PREPARA UN CONCERTO PARA CELEBRAR O DÍA DAS LETRAS
 NAS AULAS DIFERENTES TRABALLOS ESTÁN TENDO LUGAR, TRABALLAMOS COS SEUS POEMAS. ENTRE OUTRAS MOITAS ACTIVIDADES PODEMOS INDICAR;
 "UN POEMA PARA CADA DÍA",
 "A IMAXE PARA UN POEMA"(CADA CLASE BUSCARÁ UNHA PAISAXE RELACIONADA CUN POEMA, REPRESENTARAA E EXPORÁ O RESULTADO NOS CORREDORES DO CENTRO),
"OS POEMAS MUSICADOS DE MANUEL MARÍA",
"LER POEMAS NO PATIO",


 "MARATÓN DE POESÍA DE MANUEL MARÍA NA BIBLIOTECA"

COMEZAMOS O NOSO TRABALLO SOBRE MANUEL MARÍA

ESTAS SEMANAS DE TRABALLO INTENSO SOBRE O QUIXOTE E O SEU AUTOR E SOBRE O XORNAL, DEIXAN PASO A UNHA NOVA TEMÁTICA NO CENTRO: MANUEL MARÍA, O HOMENAXEADO NAS LETRAS GALEGAS 2016.
 NO CENTRO TEMOS VARIAS PROPOSTAS DE TRABALLO AO REDOR DO POETA QUE VAN DAR COMEZO NESTA SEMANA.
UNHA CARTA DENDE MASCOTILANDIA DÁLLE PISTAS AO ALUMNADO PARA COMEZAR COA INVESTIGACIÓN


 

CARTA DAS MASCOTAS from xianadecide

ACTIVIDADE NO SALÓN DO LIBRO

VARIAS CLASES DO CENTRO VISITAN ESTES DÍAS O SALÓN DO LIBRO.
ALÍ, ADEMAIS DE ASISTIR A SESIÓNS DE CONTACONTOS, VISITAN A RODOLFO, QUEN LEVARA AS NOSAS FICHAS DE ANIMAIS NO LOMBO. O ALUMNADO TAMÉN PERCORRE OS ESPAZOS DO SALÓN

ACTIVIDADES EN GALEGO NOS DIFERENTES NIVEIS

ESTA SEMANA O ALUMNADO DE 1º PARTICIPOU NUN OBRADOIRO:"Díxome, díxome".
O OBRADOIRO TIVO LUGAR NO ESPAZO ENTRE AULAS DE 1º E VERSOU SOBRE O USO E A RECUPERACIÓN DOS SABERES DO POBO GALEGO.

OBRADOIRO DE DOBRAXE EN GALEGO

ESTES DÍAS, NA BIBLIOTECA O ALUMNADO DOS PRIMEIROS NIVEIS DE PRIMARIA PARTICIPOU NUN OBRADOIRO DE DOBRAXE EN GALEGO.
FOI MOI INTERESANTE.
PODEREDES VER AS FOTOS NOS BLOGS EN BREVE.

PARTICIPAMOS NO SALÓN DO LIBRO

HOXE, RODOLFO, VIAXA AO SALÓN DO LIBRO.
RODOLFO É O PERSONAXE QUE NOS PERMITE CLASIFICAR AS FICHAS QUE ELABORAMOS NO COLE SOBRE BICHOS.
DESPOIS DE TRABALLAR SOBRE OS ANIMAIS, INVESTIGAR SOBRE TIPOLOXÍA E CARACTERÍSTICAS, LER MOITO,... CREAMOS EN EQUIPOS COOPERATIVOS ANIMAIS, NOVAS ESPECIES ÁS QUE DEMOS NOME E ELABORAMOS A FICHA CIENTÍFICA.
TODAS AS FICHAS POR ORDE ALFABÉTICA APARECEN NO LOMBO DE RODOLFO, UNHA ESPECIE RARA DE BICHO QUE MEDROU EN VILAVERDE E QUE ATA PUXO UN OVO.

A NOSA PEQUENA HOMENAXE A ROSALÍA DE CASTRO

O 24 DE FEBREIRO É O DÍA DE ROSALÍA DE CASTRO.
DENDE O COLEXIO IMOS FACERLLE UNHA PEQUENA HOMENAXE.
NAS CLASES TRABALLAMOS SOBRE A SÚA BIOGRAFÍA E COMPLETÁMOLA EMPREGANDO ESTA SINXELA PRESENTACIÓN

Eu son Rosalía from xianadecide

DESPOIS IMOS TRABALLAR UN POEMA DELA, NON CALQUERA POEMA, UN POEMA QUE FALE SOBRE ANIMAIS XA QUE ESTAMOS TRABALLANDO NO COLE SOBRE ELES... MÁIS TARDE IMOS ILUSTRALO E RECOLLER TODO NUN ESPAZO ESPECIAL. DEIXÁMOSVOS UN ANAQUIÑO DE POEMA:
Cantaban os grilos, 
os galos cantaban, 
o vento entre as follas 
runxindo pasaba.
COS CORREDORES ENGALANADOS, O ALUMNADO RECITANDO E TRABALLANDO SOBRE A BIOGRAFÍA DE ROSALÍA NA PANTALLA, O ALUMNADO DE 6º OFRECENDO ÁS AULAS UN RECITADO POÉTICO XENIAL

HOXE... ENTROIDO!

HOXE CELEBRAMOS O ENTROIDO NO COLEXIO.
DESPOIS DE TANTO PREPARATIVO: COMPOÑER AS COPLAS DO XUÍZO E TESTAMENTO, ESCRIBIR AS LADAÍÑAS E APRENDER A CANTALAS, FACER OS DISFRACES,PREPARAR AS RIFAS E VENDELAS, DESEÑAR E ELABORAR AO GALO VILAVERDIÑO (QUE ESTE ANO LEVA OVIÑOS DISFRAZADOS DAS DIVERSAS CULTURAS), DISTRIBUÍR OS ROLES,... POR FIN VAI HABER FESTA.
ESTE ANO A FESTA TEN MOITO QUE VER CON TODO O QUE INVESTIGAMOS PARA A PAZ, COA INTERCULTURALIDADE
COMO SABEDES, NO CENTRO TEMOS UN MECO TÍPICO DO ENTROIDO: O GALO VILAVERDIÑO E SEGUINDO OS PASOS DO ENTROIDO TRADICIONAL GALEGO, FACÉMOSLLE UN XUÍZO (É O CULPABLE DE TODOS OS MALES DESTE ANO), DEIXÁMOSLLE QUE NOS LEA O SEU TESTAMENTO (ONDE DEIXA TODAS AS SÚAS PERTENZAS: PICO, CRISTA, FURGINETA,...) E DESPOIS QUEIMÁMOLO PORQUE O ANO VINDEIRO QUEREMOS TER UN GALIÑO CUN NOVO DISFRACE
POLA MAÑÁ XA O GALO VILAVERDIÑO AGARDA PACIENTEMENTE A QUE CHEGUE O ALUMNADO.
ESTE ANO, COMO XA DIXEMOS, VÉN ACOMPAÑADO DOS OVIÑOS ENGALANADOS PARA A OCASIÓN COS TRAXES DAS DIVERSAS CULTURAS COLOCADOS POLAS NENAS E OS NENOS DAS DIFERENTES CLASES.
O GALO "INTERCULTURAL" COLOCOUSE NUN MEDIO DE UN TRANSPORTE SINGULAR PARA QUE VIAXE POLO MUNDO, COÑEZA TODAS AS CULTURAS E APRENDA A RESPECTALAS .


 O ALUMNADO PEQUENO VISITA A VILAVERDIÑO PARA VER COMO SE DISFRAZOU

E NAS CLASES COMEZAN A DISFRAZARSE. OS DISFRACES, ELABORADOS POLO ALUMNADO SON MOI ORIXINAIS...

MAMÁS E PROFES PREPARAN E DISTRIBÚEN AS VIANDAS QUE DESPOIS SERÁN VENDIDAS NO PATIO

E XA TODO LISTO PARA COMEZAR A FESTA!
VELAQUÍ AS CLASES DISFRAZADAS E LISTAS PARA O DESFILE:

BAIXADA AO PATIO E COLOCACIÓN PARA COMEZAR O DESFILE

O GALO PRESIDE O DESFILE DENDE O MEDIO DO PATIO, MOI ORGULLOSO ACOMPAÑADO DOS SEUS FILLIÑOS

DESFILE ACOMPAÑADO DE MELODÍAS RELACIONADAS COS DISFRACES, A PROFE LOLA É A DJ

XUÍZO AO GALO E LECTURA DO SEU TESTAMENTO

REPOÑER FORZAS COAS FILLOAS E ORELLAS. VENDA DE MANXARES...E COMILONA

CELEBROUSE O SORTEO DOS PRODUTOS PARA UNHA LACONADA... ATA TRES VECES! E APARECEU A PERSOA GAÑADORA AO FINAL, UN NÚMERO REDONDO, REDONDO...


QUEIMA DO GALO E CANTO DAS LADAÍÑAS (ESTE ANO INDULTAMOS AOS OVIÑOS, ASÍ TEREMOS... NOVOS GALIÑOS!)

DEICA AO CURSO QUE VÉN! O GALO VILAVERDIÑO TERÁ NOVO DISFRACE... POLO DE AGORA PODEREMOS GOZAR DO ENTROIDO NA CIDADE... SE O TEMPO O PERMITE, CLARO.

LINGUA FORZA 3

VARIAS CLASES DURANTE O MES DE FEBREIRO TIVEMOS SESIÓNS DE XOGOS E ACTIVIDADES

A IDEA É A DE UTILIZAR A NOSA LINGUA GALEGA Á VEZ QUE XOGAMOS E FACEMOS ACTIVIDADES LÚDICAS
OLLADE ALGUNHAS FOTOS:

AÍ VÉN O ENTROIDO 2016

VILAVERDIÑO XA COMEZA A PREPARARSE PARA A FESTA, ESTÁ TENTANDO DISFRAZARSE... DE QUE IRÁ?
NO COLE, NAS CLASES ESTÁN TRABALLANDO SOBRE AS CULTURAS (QUE INVESTIGARON PARA A CELEBRACIÓN DA PAZ) E O ENTROIDO.
ASÍ QUE TEREMOS TRAXES DA CULTURA INDIA DE AMÉRICA, DA CHINESA, DA ETÍOPE, DA ITALIANA, DA EXIPCIA, DA MEXICANA... PERO TAMÉN DA HAWAINA, ESQUIMÓ, ANDINA,...
ADEMAIS APARECERÁN TRAXES RELACIONADOS CON MANIFESTACIÓNS CULTURAIS
VAI SER UN ENTROIDO MOI COLORISTA.

O ALUMNADO PREPARA TAMÉN AS COPLAS DO XUÍZO, TESTAMENTO E LADAÍÑAS PARA O GALO.
AH! E SEGURO QUE HABERÁ VIANDAS TÍPICAS.
VÉMONOS O VENRES!

NA RADIO

PROGRAMA DE RADIO
Segundo a información enviada por ONDACERO, a emisión das gravacións do alumnado será dende o luns 25 de xaneiro ata o venres 5 de febreiro; de luns a venres a partir das 11:50 da mañá no programa "MÁS DE UNO" ( con Carlos Alsina y Juan Ramón Lucas).

Podedes escoitala EN DIRECTO:
-na radio no 103.6 fm
-na internet clicando aquí    

TRABALLANDO SOBRE AS DIFERENTES CULTURAS E A PAZ

PARA TRABALLAR SOBRE A PAZ PARTIMOS DUN CONTO QUE AGARDAMOS QUE VOS GUSTE...

A bruxa discordia from xianadecide

DESPOIS CADA CLASE TRABALLARÁ AO REDOR DUN PAÍS, DUN HÁBITAT OU DUNHA CULTURA... REFLEXIONARÁ SOBRE A DIVERSIDADE E A NECESIDADE DE RESPECTAR AS DIFERENTES MANEIRAS DE ESTAR NA TERRA. TODO O TRABALLO DO CENTRO SERÁ RECOLLIDO EN IMAXES QUE SE PODERÁN VER NO CORREDOR AO LONGO DESRE TRIMESTRE.